Ikastaro batean zeuden 55 ertzainetako 25ek positibo eman dute COVID-19an

agentziak | erredakzioa

Publikatuta: 2020/11/09 19:49 (UTC+1) Azken eguneratzea: 2020/11/09 19:51 (UTC+1)

Alarma ostegunean piztu zen, ikastaroan parte hartzen ari zirenetako batzuk gaizki sentitzen ari zirenean. Positibo kopuruak gora egin dezake batzuk emaitzaren zain daudelako.

Ertzaina, kontrol batean. Argazkia: Efe

Whatsapp
Whatsapp
telegram
twitt
Bidali
Esteka kopiatu

Albisteak (2)

Prestakuntza ikastaro batean parte hartzen ari ziren Ertzaintzaren Brigada Mugikorreko 55 kideen ia erdiek, 25ek, positibo eman dute COVID-19an, eta gainerakoak isolatuta daude etxean, emaitzaren zain.

Alarma ostegunean piztu zen, ikastaroan parte hartzen ari zirenetako batzuk gaizki sentitzen ari zirenean. Segurtasun Sailak 55 ertzainak etxera bidaltzea erabaki zuen, eta probak egitea guztiei.

Ostiralean hasi ziren probak egiten, eta asteburu osoan egin ostean, oraingoz 25 positibo atzeman dituzte, baina kopuruak gora egin dezake, etxean isolatuta daudenetako batzuek ez dutelako oraindik emaitzarik jaso.

Ertzaintzaren Brigada Mugikorra 400 agentek osatzen dute, Segurtasun Sailak jakinarazi duenez.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.