233ra jaitsi dira EAEn COVID-19agatik itxitako ikasgelak

AGENTZIAK | ERREDAKZIOA

Publikatuta: 2020/09/28 13:52 (UTC+2) Azken eguneratzea: 2020/09/28 17:07 (UTC+2)

Ikasgelak itxi dituzten ikastetxeak ere gutxiago dira. Ostiralean 188 ziren eta gaur, berriz, 162, Hezkuntza Sailak zabaldu dituen azken datuen arabera.

Haurrak ikasgelan. Artxiboko argazkia: IREKIA

Whatsapp
Whatsapp
telegram
twitt
Bidali
Esteka kopiatu

Albisteak (3)

COVID-19 kasuengatik itxita dauden euskal ikastetxeetako ikasgelen kopuruak behera egin du, eta astelehen honetan 233 dira, aurreko ostiralean baino 47 gutxiago.

Ikasgelak itxi dituzten ikastetxeak ere gutxiago dira: ostiralean 188 ziren eta gaur, berriz, 162, Hezkuntza Sailak zabaldu dituen azken datuen arabera.

Oraindik ez dago aurrez aurreko hezkuntza-jarduera COVID-19 delakoagatik erabat eten behar izan duen ikastetxerik.

Aurtengo ikasturtean, euskal hezkuntza-sistemak 17.554 gela ditu, 2 urtetik hasi eta unibertsitatez kanpoko hezkuntzara arte; beraz, pandemiak itxitako eskolen kopuruaren bataz bestekoa % 1,32 da.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.