Gizartea
KORONABIRUSA
600 PCR proba egingo ditu Osasun Departamentuak gaur Tuteran
ERREDAKZIOA | EITB
COVID-19 kasuak atzemateko azterketak Reina Sofia Ospitaleko aparkalekuan egingo dira, 08:30etik 20:30era, ausaz aukeratutako pertsonen artean.
-
PCR proba egiten. Argazkia EiTB
Bizitokia kontuan izanda aukeratu dituzten 600 pertsonari PCR proba egingo die Nafarroako Gobernuko Osasun Departamentuak gaur, Tuteran.
COVID-19 kasuak atzemateko azterketak Tuterako Reina Sofia Ospitaleko aparkalekuan egingo dituzte (Foruzaingoaren polizia-etxetik gertuen dagoen parkingean), 08:30etik 20:30era bitartean. Ausaz aukeratutako pertsonen artean egingo dituzte probak.
Logistika kontuetan Tuterako Udalarekin elkarlanean aritu da Osasun Departamentua. Udalean obren ardura dutenek ospitaleko parkinga prestatu eta antolatu dute. Karpa batzuk jarri dituzte, eta, hortaz, parkinga itxi egin dute. Bestalde, Babes Zibileko boluntarioek PCR probak egiten lagunduko dute.
Birusaren kutsatze kopuru handia zela eta, Tuterak alkateak duela aste batzuk eskatu zuen hautazko behaketa bat egiteko.
