10 positibo eta 30 konfinatu, Deustuko Unibertsitateko ikastetxe nagusian

Agentziak | Erredakzioa

Publikatuta: 2020/09/22 15:15 (UTC+2) Azken eguneratzea: 2020/09/22 15:38 (UTC+2)

Ikastetxe nagusia Bilboko Deustuko Unibertsitatearen esparruan dago, eta bertan egingo da bihar 2020-2021 ikasturteari hasiera emateko ekitaldia.

Deustuko Unibertsitatea. Argazkia: Andoni Aza.

Whatsapp
Whatsapp
telegram
twitt
Bidali
Esteka kopiatu

Albisteak (1)

Dagoeneko 23 ikaslek eman dute positibo Bilboko Miguel de Unamuno egoitzan

Bilboko Deustuko Unibertsitateko ikastetxe nagusiko hamar egoiliarrek positibo eman dute COVID-19aren proba diagnostikoan, eta 30 ikasle konfinatuta daude, zentro horretan bizi diren 270 ikasleetatik.

Deustuko Unibertsitateak jakitera eman duenez, PCR proban positibo eman duten ikasleek ez dute arazorik izan.

Unibertsitateak pertsona bat izendatu du behar duten horretan konfinatuta dauden ikasleei arreta emateko, baina egoitza-zentroko gainerako ikasleek bere ohiko jarduerarekin jarraitzen dute.

Ikastetxe nagusia Deustuko Unibertsitatearen Bilboko esparruan dago, eta bertan egingo da bihar 2020-2021 ikasturteari hasiera emateko ekitaldia, Iñigo Urkullu lehendakariaren eta Jokin Bildarratz Hezkuntza sailburuaren laguntzarekin, besteak beste.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.