Hiru adineko hil dira Bizkaiko egoitzetan, eta 205 kutsatu zenbatu dituzte

Agentziak | Erredakzioa

Publikatuta: 2020/09/19 14:23 (UTC+2) Azken eguneratzea: 2022/10/18 11:59 (UTC+2)

Bigarren olatuan 47 adineko hil dira dagoeneko Bizkaiko egoitzetan.

Adinekoen egoitza bat. Artxiboko argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Bizkaiko adinekoen egoitzetan hiru pertsona hil dira azken orduetan COVID-19aren ondorioz. Pandemiaren bigarren olatuan 47 adineko hil dira jadanik.

Bizkaiko Foru Aldundiak jakitera eman duenez, 123 positibo baieztatu dituzte egoitzetan, eta 27 adineko ospitalean dira. Gainera, 99 langilek positibo eman dute, eta beste 59 bakarturik daude, baina COVID-19a baieztatu barik.

13 egoitzetan adinekoak kutsatu dira: Leioa-IFAS (19), DomusVI Miraflores-Bilbo (16), Zuetxe-Bakio (15), San Jose Etxe Alai-Mungia (12), Albiz Santiago Llanos-Sestao (11), Elorrio-IFAS (10), Ibarrekolanda-Bilbo (9), Marcelo Gangoiti-Muskiz (8), Misericordi-Bilbo (7), Santa Maria-Getxo (7), Ballesol-Bilbo (5), IMQ Igurco Zorrozgoiti-Bilbo (2) eta Elorduy-Barrika (2).

Koronabirus kasuak artatzeko Birjinetxe unitatean 75 pertsona daude; horietako 55 adinekoak dira. Azken horien artean, 20 egoera zaurgarrian egotegatik berton koarentena egiten ari dira ospitalean egon ondoren.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.