Gizartea
KORONABIRUSA
Osakidetzak eta Bizkaiko Diputazioak PCRak egingo dizkie egoitzetako langile guztiei
AGENTZIAK | ERREDAKZIOA
Unai Rementeriak azaldu duenez, PCRak egingo zaizkiela adinekoen egoitzetan aritzen diren osasun langile guztiei egoitza horietan gerta litezkeen kutsatzeak ekiditeko.
-
PCR probak. Argazkia: EFE.
Unai Rementeria, Bizkaiko ahaldun nagusiak azaldu du Gernikan izandako agerraldiaren harira, Osakidetzak eta Bizkaiko Diputazioak gune bat ezarriko dutela eskualdeko egoitzetan lan egiten duten osasun langile guztiei PCR probak egin eta adinekoen egoitzetan gerta litezkeen kutsatzeak ekiditeko.
Onda Vasca hedabidean egindako elkarrizketa batean, ahaldunak Gernikako agerraldiarekin lotutako kutsatzean nola ari diren garatzen izan du hizpide, eta adinekoen egoitzetan atzeman litezkeen positiboak ekiditeko jarraituko diren jarraibideak azaldu ditu.
Osakidetza eta Bizkaiko Diputazioak, elkarrekin, aste honetan bertan gune bat ezarriko dutela baieztatu du Rementeriak, eta bertan egingo zaizkie PCR probak eskualdeko osasun langileei.
“Positiboren bat dagoen bai ala bai atzeman beharra dago beranduago langile hori aritzen den adinekoen egoitza kontuan izateko, hori da jarraitzen ari garen prebentzio eta zaintza zerbitzua”, azaldu du.
