Beraungo igerilekuak itxi dituzte Errenterian, langile batek positibo eman ostean

AGENTZIAK | ERREDAKZIOA

Publikatuta: 2020/08/22 19:07 (UTC+2) Azken eguneratzea: 2020/08/22 19:12 (UTC+2)

Gainerako beharginei PCR probak egin zaizkie, eta igerilekuak desinfektatzen ari dira.

Beraungo igerilekuen irudietako bat. Argazkia: Errenteriako Udala

Whatsapp
Whatsapp
telegram
twitt
Bidali
Esteka kopiatu

Albisteak (3)

Beraungo igerilekuak itxi dituzte Errenterian, Gipuzkoan, langileetako batek COVID-19an positibo eman ostean, udal iturriek jakinarazi dutenez. Gainerako beharginei PCR probak egin zaizkie, "Osalanek eta Osakidetzak zehaztutako osasun gomendioei jarraituta".

Proben emaitzak ikusita, ikusiko dute "agerraldi bat"edo "kasu isolatua" ote den, iturri berdinek adierazi dutenez.

Igerilekuak desinfektatzen ari dira, "beharrezkoak diren produktuekin eta argibideekin, berme guztiekin berriro ireki ahal izateko".

Erne! Beraungo igerilekua itxita, langile batek positibo eman duelako. Barkatu Eragozpenak. @HerriBizia
— KiROLARiEKIN (@Kirolkide) August 22, 2020

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.