Zarautzek udalekuak bertan behera utzi ditu, COVID-19ko hiru positiborengatik

Agentziak | Erredakzioa

Publikatuta: 2020/07/17 23:42 (UTC+2) Azken eguneratzea: 2020/08/03 11:07 (UTC+2)

Hain zuzen ere, bi begiralek eta udalekuetan zegoen adingabe batek eman dute positibo. Horregatik, ostiralean 150 PCR probatik gora egin dituzte, hiru kasu horiekin lotuta.

Zarauzko hondartza, artxiboko irudian. Argazkia: EFE.

Whatsapp
Whatsapp
telegram
twitt
Bidali
Esteka kopiatu

Albisteak (3)

127 koronabirus kasu gehiago zenbatu dira Hego Euskal Herrian azken orduetan
Tolosan beste hiru positibo zenbatu dituzte eta Zarautzen PCR probak egiten hasi dira
MOEk COVIDa pasa duten pertsonen antigorputzek hainbat hilabete irautea espero du

Zarauzko Udalak erabaki du, ostiral honetan, udalekuak bertan behera uztea; izan ere, COVID-19ko hiru kasu positibo atzeman dituzte, udalekuekin lotuta.

Hain zuzen ere, bi begiralek eta udalekuetan parte hartzen ari zen adingabe batek eman dute positibo.

Hori dela eta, egunean zehar, 37 begiraleri eta 125 adingaberi egin dizkiete PCR probak.

Gainera, azken orduetan, Zarautzen, guztira 850 PCR proba egin dituzte, anbulatorioko aparkalekuetan jarritako karpetan. Proba gehienak gazteei egin dizkiete, aurreko asteko asteazkenean eta larunbatean festa batzuetan izandako hainbat gazteri.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa izango da abuztuaren 1etik.