Basurtuko Ospitalean kutsatutako bat hil da, eta 25 dira guztira gaixotuak

eitb.eus | agentziak

Publikatuta: 2020/06/10 11:26 (UTC+2) Azken eguneratzea: 2020/06/10 18:42 (UTC+2)

Ospitaleko zuzendariak jakinarazi duenez, 9 profesionalak dira, 12 pazienteak, eta 4 bisitariak.

1:52

Whatsapp
Whatsapp
telegram
twitt
Bidali
Esteka kopiatu

Albisteak (6)

Gaixoen bisitetarako segurtasun neurriak indartzea aztertzen ari da Osasun Saila
Koronabirus agerraldi batek gutxienez 10 pertsona kutsatu ditu Basurtuko Ospitalean
Hiru positibo Txagorritxun, ebakuntza ondoren positibo eman duen paziente batengatik

Bideoak (1)

Beste 5 positibo eta lehenbiziko hildakoa Basurtun, koronabirus fokua atzeman denetik

Basurtuko Ospitaleko (Bilbo) COVID-19 agerraldian kutsatutakoak dagoeneko 25 dira, atzo baino 5 gehiago, eta kutsatuetako bat hil egin da.

Zure interesekoa izan daiteke: Zer da berragerraldi bat eta nola saihestu daiteke?

Eduardo Maiz Basurtuko Ospitaleko zuzendariak Nekane Murga Osasun sailburuarekin batera eman duen prentsaurrekoan azaldu duenez, 423 PCR proba egin dituzte ospitalean, eta horietako 25ek eman dute positibo: 12 pazientek, 9 profesionalek eta 4 bisitarik.

Gainera, ospitalean lan egiten duten 4.500 lagunei PCR testak egingo dizkietela jakinarazi du.

Hildakoari dagokionez, Maizek jakinarazi du pertsona horrek beste gaitz batzuk zituela, "nahikoa larriak", eta erabakigarriak izan direla.

Gasteizko Txagorritxu Ospitaleko agerraldiari dagokionez, Murgak esan du jada 117 PCR egin dituztela, baina positiboen kopuruak ez duela gora egin eta lau direla: 2 paziente, profesional bat eta bisitari bat.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.