Ospitaleetako bisitari guztiei PCR proba egitea ari da aztertzen Osasun Saila

agencias | redacción

Publikatuta: 2020/06/09 13:54 (UTC+2) Azken eguneratzea: 2020/06/09 14:34 (UTC+2)

Murgak adierazi duenez, begiratzen ari dira "nola egin sistematikoki PCR proba bisitariei".

Donostia Ospitalea. Argazkia: Efe

Whatsapp
Whatsapp
telegram
twitt
Bidali
Esteka kopiatu

Albisteak (4)

Pandemiaren bilakaera bide onetik doa Europan, baina "okerrerantz" egin du munduan

Basurtuko (Bilbo) eta Txagorritxuko (Gasteiz) ospitaleetan dauden koronabirus agerraldiak direla eta, Eusko Jaurlaritzaren Osasun Saila ospitaleetako bisitari guztiei PCR proba egiteko aukera aztertzen ari da.

Pandemiaren datuak eguneratzeko emandako prentsaurrekoan Nekane Murga Osasun sailburuak azaldu duenez, "ospitaleratuta dauden pertsonek identifikatutako bisitak izatea da ideia".

Horren harira, "bisitariei PCR proba sistematikoki nola egin" aztertzen ari dira.

Azken egunotan bi koronabirus agerraldi atzeman dituzte Txagorritxuko (4 kasu) eta Basurtuko (20 kasu) ospitaleetan. Gainera, Gurutzetako gaixo batek ere positibo eman du, baina ez dute agerralditzat hartu oraindik.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.