Gizartea
KORONABIRUSA
Eusko Jaurlaritzak pertsona maitatuak galdu dituztenentzako arreta eskaintzen du
AGENTZIAK | ERREDAKZIOA
900 908 744 telefonoaren eta betirako.org webgunearen bidez 400 familia baino gehiagori lagundu ahal izatea espero da.
Eusko Jaurlaritzako Enplegu eta Gizarte politiketako Sailak Betirako programa jarri du abian, COVID-19aren ondorioz pertsona maitatuak galdu dituzten pertsonei dolua artatzeko. Doako zerbitzua da, 303.000 eurorekin hornituta, eta psikologiako profesionalek eskaintzen dute. Horrekin, 400 familiari baino gehiagori laguntzea eta dolu traumatikoaren konplikazioak prebenitzea espero da.
Eusko Jaurlaritzak jakitera eman duenez, COVID-19aren ondorioz pertsona maitatu baten galera bizi izan duten pertsonen % 30ek sintoma depresiboei, antsietateari edo insomnioari aurre egiteko laguntza beharko dute, besteak beste.
Horregatik, garaiz laguntzea lagungarria izan daitekeela egungo prozesua errazteko eta etorkizunean izan daitezkeen ondorio psikologikoak prebenitzeko uste da.
Laguntza-helburu horrekin, Eusko Jaurlaritzako Enplegu eta Gizarte politiketako Sailak Betirako programa jarri du abian, COVID-19aren ondorioz pertsona maitatu bat galdu duten pertsonei dolua artatzeko. EAEn 400 familiak baino gehiagok jaso ahal izango dute laguntza.
Aurkezteko, ekitaldi sinboliko bat egin dute Salburuako hezeguneetan, Ataria interpretazio zentroaren ondoan. Bertan izan dira Beatriz Artolazabal Lan eta Gizarte Politiketako sailburua eta Gorka Urtaran Gasteizko alkatea.
Bertan izan dira, halaber, Betirako talde profesionaleko kideak, baita dueluaren inguruan lan egiten duten erakundeetako ordezkariak ere, hala nola, Arabako 'Norberaren ahotsarekin bizi', Nafarroako 'Goizargi' eta 'Hiri errukiorrak', Mandalara Elkartearen, Bidegin Elkartearen eta Irribarre Bikoitza Fundazioaren ordezkariekin.
Ekitaldian, COVID-19aren biktima izan diren familia gutxi batzuek parte hartu dute Gasteizko hezegunean nenufarrekin egindako lore-eskaintza batean.
Betirako taldeak azaldu duenez, ekitaldi horrekin euren ibilbidea "hildako pertsonak gogoratuz, ohorezko aurreskua eta lore eskaintza bat eginez" hasi nahi izan dute.
Betirako zerbitzua 900 908 744 telefonoaren, betirako.org webgunearen eta aurrez aurreko kontsulten bidez garatuko da. Kasu guztietan, doako zerbitzua da, eta Agintzari irabazi-asmorik gabeko kooperatiba sozialeko profesionalek emango dute zerbitzua. Bogan kooperatiba-taldean (Agintzari, Zabalduz eta Hirube) sartuta dago, eta psikologiako eta gizarte- eta hezkuntza-zerbitzuetako 700 profesional baino gehiago biltzen ditu. Horrez gain, 3D sinadura ere eskaintzen du, 'Agurrak' proiektuarekin, pertsona maitatuak agurtzen laguntzeko, aitorpenerako online gune baten bidez.
Betirako zerbitzuak, 900 908 744 telefonoaren bidez, laguntza eta arreta psikologikoko prozesu bat eskaintzen die hots egiten duten pertsonei. Horrez gain, betirako.org webgunearen bidez, programari buruzko informazioa, eduki psikohezitzailea (bideoak, audioak, artikuluak, gomendioak) eta zuzeneko hitzaldiak emango dira.
Webguneak aukerako inprimaki bat ere badu, 'screening' edo baheketa gisa, testamentua egiteko eta pertsonak, familiak edo profesionalak identifikatzen laguntzeko, laguntza profesionala komeni bada.
