Gizartea
Elorrio
Ibilaldia, gaur, Internet bidez
eitb.eus
Jaia urriaren 18ra atzeratzea erabaki bazuten ere, igande honetan zen egitekoa; beraz, programazio berezia prestatu dute bertsolariekin, musikarekin eta bestelako ikuskizunekin.
-
Ibilaldia 2020 Elorrion. Argazkia: Ibilaldia
Elorrioko ikastolak Ibilaldiaren edizio berezi bat prestatu du igande honetarako, koronabirusagatik jaia urriaren 18ra atzeratu duten arren, baina hasiera batean izan behar zen datarako, maiatzaren 31rako, zerbait berezia prestatzea pentsatu dute.
Elorrioko Ibilaldiaren antolatzaileek azaldu dutenez, "gure egutegian egun berezia den maiatzaren 31 ospatu nahi dugu, eta gure leloak adierazten duen bezalaxe, egunari indarrez eta gogoz helduko diogu: #helIbilaldiari #helegunari #helhorri".
Horrela, saio berezi bat prestatu dute, eta Internetez jarraitu ahalko da Ibilaldiaren webgunean. 11:00etan hasita, bertsoak, musika, magia, dantza eta bestelako ikuskizunak egongo dira bi orduko iraupena izango duen saioan.
Ikastolako guraso, ikasle, langile eta irakasleez gain, beste ikastoletako ikasleek ere parte hartuko dute ekimenean.
