MOEk hidroxiklorokinarekin egindako saiakuntzak geldiarazi ditu

AGENTZIAK | ERREDAKZIOA

Publikatuta: 2020/05/25 18:58 (UTC+2) Azken eguneratzea: 2020/05/25 20:47 (UTC+2)

Hidroxiklorokina bidezko tratamenduak probatuta zituzten pazienteen heriotza-tasa handiagoak adierazten zituen ikerketa argitaratu ondoren hartu dute erabakia.

Kautelazko neurriak Brasil bezalako herrialdeei eragin diezaieke. Artxiboko argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Tedros Adhanom Ghebreyesus Munduko Osasun Erakundeko (MOE) zuzendari nagusiak gaur iragarri duenez, organismoak COVID-19 gaixoengan hidroxiklorokinarekin egiten diren saiakuntza klinikoak aldi baterako geldituko ditu, gaixo horien heriotza-tasa handiagoa detektatu baita.

Erabakia, berrikus daitekeen kautelazko neurria, joan den ostiralean The Lancet aldizkari medikoan malariaren aurka erabili ohi den hidroxiklorokina bidezko tratamenduak probatu zituzten pazienteen heriotza-tasa handiagoak adierazten zituen ikerketa argitaratu ondoren hartu da.

Kautelazko neurriak eragina izan dezake Brasilen, izan ere, aurreko astean COVID-19 gaixoengan hidroxiklorokina erabiltzea onartu zuen. Printzipioz, neurria ez zaio aplikatuko klorokinari, aurrekoaren deribatua baita eta MOEren saiakuntza klinikoetan ere sartuta baitago.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.