Hegoaldeko hondartzak irekitzeko eguna, ekainaren 15etik uztailaren 1erako tartean

Agentziak | Erredakzioa

Publikatuta: 2020/05/15 15:44 (UTC+2) Azken eguneratzea: 2020/05/15 20:50 (UTC+2)

Data zehatza ezarri gabe dute oraindik, baina egun bera izango da Bizkaian eta Gipuzkoan. Lapurdin larunbatean irekiko dituzte, “jarduera dinamikoetarako”.

1:24

Whatsapp
Whatsapp
telegram
twitt
Bidali
Esteka kopiatu

Albisteak (3)

Bideoak (1)

Ekainaren 15aren eta uztailaren 1aren artean irekiko dituzte hondartzak

Bizkaiko Foru Aldundiak gaur, ostiralarekin, iragarri duenez, ekainaren 15etik uztailaren 1era arteko egun batean irekiko dituzte hondartzak Euskal Autonomia Erkidegoan.

Aldundiak ohar batean azaldu du Euskal Autonomia Erkidego osoko hondartzak irekiko dituztela egun horietako batean, baina data zehatza ezarri gabe dutela oraindik.

Horren arabera, “euskal erakundeek adostutako erabakia” da, eta hemendik aurrera hondartzak irekitzeko abiatu beharreko neurriak aztertuko dituzte, osasun agintariekiko harreman etengabean.

Hondartza irekita, Lapurdin

Bestalde, Lapurdin larunbatean irekiko dituzte hondartzak. Arratsaldeko zazpiak arte egongo dira zabalik, eta bainua hartu, eta surfa eta korrika egin ahalko da, baina ezingo da hondarretan ez egonean egon ez hamar lagunetik gora bildu.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta derrigorrezkoak garraio publikoa erabiltzen baduzu.