Gizartea
Presoak
Patxi Ruiz Nafarroako presoak gose eta egarri greba hasi zuen astelehenean
Euskadi Irratia | eitb.eus
Euskadi Irratiak emandako datuen arabera, espetxeko funtzionarioen mehatxuek bultzatu dute Txantreako presoaren protesta.
Patxi Ruiz Nafarroako presoak laugarren gose eta egarri greba eguna hasi du aste honetan Murcia II espetxean. Euskadi Irratiak emandako datuen arabera, dei bitartez jakinarazi dio familiari eutsi egingo diola astelehenean hasi zuen protestari.
Txantreako presoaren protesta espetxeko funtzionarioen mehatxuek bultzatu dutela nabarmendu du. Hala ere, funtzionarioek COVID-19ak eragindako egoeraren kontrako mobilizazioak sustatu izana leporatu diote.
Amnistiaren Aldeko eta Errepresioaren aurkako Mugimenduaren arabera, Ruizek greba hasi zuenetik ez da medikurik joan haren osasun-egoera aztertzera, eta, gainera, moduluz aldatu dutela azpimarratu dute.
