Bilboko TAO zerbitzua martxan da berriro

eitb.eus

Publikatuta: 2020/05/07 09:46 (UTC+2) Azken eguneratzea: 2020/07/10 07:49 (UTC+2)

Ordutegiak ohikoak izango dira: goizez, 09:00etatik 13:30era, eta arratsaldez, 15:00etatik 20:00etara. Larunbatetan, berriz, 09:00etatik 13:30era.

Bilboko TAO gune bat. Argazkia: Efe.

Whatsapp
Whatsapp
telegram
twitt
Bidali
Esteka kopiatu

Albisteak (3)

Gaur, astelehena, konfinamenduaren malgutze prozesuaren 1 fasea indarrean sartzearekin batera, Bilboko TAO zerbitzua ere martxan jarri dute berriro, ohiko ordutegian, zirkulazioaren mugikortasuna bermatu ahal izateko.

Ordutegiei dagokienez, astelehenetik ostiralera, 09:00etatik 13:30era arte eta 15:00etatik 20:00etara martxan egongo da. Larunbatetan, berriz, 09:00etatik 13:30era arte, 1, 2, 3, 4 eta 10 guneetan.

Segurtasun-neurriak eta higienea areagotzeko, ordainketak egiteko BilbaoPark aplikazio ofiziala eta kreditu txartela erabiltzeko gomendioa egin du Bilboko Udalak.

Parkimetroak eta teklatuak ohi bezala eta behin eta berriro garbitzeaz gain, desinfektatzeko lan bereziak ere egingo dira, egun guztietan.

Zerbitzuari buruzko edozein kontsulta egiteko, bi aukera daude: 94.470.10.47 telefonora deitzea edo Lersundi kaleko 5. zenbakian dagoen arreta-bulegora joatea.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta/edo garraio publikoa erabiltzen baduzu. Dena dela, horien erabilera ez da derrigorrezkoa.