Gizartea
KORONABIRUSA
Biocruces COVID-19a atzemateko aplikazio batean ari da lanean
EITB.EUS
Aplikazioak datu pertsonal batzuk eskatzen ditu, sintomen inguruan galdetzen du (sukarra, eztula…) eta eztularen eta ahotsaren grabaketak jasotzen ditu 100 parametro baino gehiago neurtzeko.
Adimen artifizialak covid-19a gure ahotsaren bidez atzeman daitekeela erakutsi nahi du.
Biocruces Bizkaia institutua gaitza pertsona baten ahotsean edo eztulean identifikatzeko algoritmo bat erabiltzen duen aplikazio batekin ari da lanean.
Covid-19a entzuteko gaitasuna lortu nahi dute, Biometric Vox enpresa espainiarrak sortutako aplikazio bat erabiliz.
Lehen fasea patroiak identifikatzean datza, PCR probetan positibo edo negatibo eman duten gaixoen ahotsaren laginak batuz.
Aplikazioak datu pertsonal batzuk eskatzen ditu, sintomen inguruan galdetzen du (sukarra, eztula…) eta eztularen eta ahotsaren grabaketak jasotzen ditu 100 parametro baino gehiago neurtzeko.
"Arnas gaixotasunen kasuan, ahotsean frekuentzia aldaketak ematen direla ikusi ahal izan dugu. Covid-19aren kasuan, patroi diferentzialak daude eta eztula lehorragoa da. Hori dela eta, gaixoak identifikatzeko erabili ahal izango da", azaldu du Iñaki Gutierrez BIOEFeko zuzendariak.
Grabaketa horiekin hiru profil identifikatuko dira: covid-19a duten pertsonak, bestelako arnas gaixotasunak dituztenak eta pertsona osasuntsuak.
Bigarren fasean, patroi horietatik abiatuta, aplikazioa prest egongo litzateke lehen mailako arreta zentroetan erabiltzeko eta kutsatzeak atzemateko. Ondoren, test batekin baieztatu beharko dira.
Azkenik, helburua edozein pertsonak mugikorrean zein tabletean erabili ahal izatea da. Aplikazioaren helburua gaixotasuna bahetzea da, osasun-sistemari laguntzeko.
