EAEko kartzeletako ezein presok ez du koronabirusik

Agentziak | Erredakzioa

Publikatuta: 2020/04/29 14:58 (UTC+2) Azken eguneratzea: 2020/04/29 15:13 (UTC+2)

Gaixotasunarekin kutsatu zen preso bakarrak, Zaballan espetxeratuta zegoenak, alta jaso zuen ospitaleratuta egon eta gero.

Zaballako kartzela zegoen koronabirusak EAEn jotako lehen presoa

Whatsapp
Whatsapp
telegram
twitt
Bidali
Esteka kopiatu

Albisteak (1)

19 hildako EAEn eta 16 Nafarroan azken orduetan COVID-19aren ondorioz

Ez dago koronabirusak kutsatutako presorik Araba, Bizkai eta Gipuzkoako kartzeletan, behin Arabako espetxean gaixotasunarekin kutsatu zen preso bakarrak ospitaleko alta jasota, osatuta baitago.

Espainiako Espetxe Zuzendaritzatik esan dutenez, Euskal Autonomia Erkidegoko kartzelak dira Estatuan pandemiak gutxien jotakoetako batzuk.

Apirilaren 27an Estatuko Administrazio Orokorrak kudeatzen dituen 71 espetxeetan (50.000 preso daude guztira) egindako ikerketa batek zehaztu duenez, horietako 10etan izan dira koronabirus kasuak.

Euskal Autonomia Erkidegoan, Arabako kartzelan atzeman zuten lehenengoz COVID-19aren kasu bat, martxoaren 10ean.

Beste preso batekin batera Txagorritxun ospitaleratuta zegoela, preso honek harremana izan zuen atea zaintzen ari ziren ertzainekin.

Agente horietako batek positibo eman zuen, presoak kartzelara bueltan zirela. Hori dela eta, isolatu egin zituzten eta beraietako bat ospitalera eraman behar izan zuten, aurreko patologia batzuk zituenez komenigarria baitzen ospitaleratzea.

Presoen ospitaleratze tasa gainerako herritarrena baino zazpi aldiz txikiagoa da.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.