Laborategi pribatuak Osakidetzaren agintepera pasa dira, testak egiteko

Agentziak | Erredakzioa

Publikatuta: 2020/04/25 16:47 (UTC+2) Azken eguneratzea: 2020/04/25 17:46 (UTC+2)

Halaber, Osasun Sailak laborategi horietan egiten diren proben prezioak zehazteko aukera du, abusuak saihesteko.

Osasun alorreko langile bat, testak egiten. (Argazkia: EFE)

Whatsapp
Whatsapp
telegram
twitt
Bidali
Esteka kopiatu

Albisteak (3)

Diagnostikoak egiteko gai diren zentro pribatu guztiak Osasun Sailaren agintepera pasa dira testak egiteko, Nekane Murga Osasun sailburuak COVID-19a antzemateko proben inguruko agindua sinatu ostean. Halaber, Jaurlaritzak proba horien prezioak zehazteko eskumena du.

Murgak pandemiaren inguruko datuen berri emateko egindako agerraldi telematikoan azaldu duenez, agindu horretan testak egiteko irizpide homogeneoak eta pazienteen segurtasuna bermatzen dira. Agindua indarrean da jada, EAEko Aldizkari Ofizialean asteazkenean publikatuko duten arren.

Aginduan zehazten denez, diagnostiko klinikoak egiteko gai diren zentro, zerbitzu eta establezimendu pribatuak eta haietan lan egiten duten pertsonak Osasun sailaren esanetara egongo dira EAEko osasun sistemak dituen baliabideen osagarri bezala.

Prezioak

Halaber, Osasun sailak zentro pribatuetan egiten diren proben prezioak zehazteko aukera du, abusuak saihesteko.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.