Bilbon ez dituzte igande honetan haurrentzako maskararak banatuko

AGENTZIAK | ERREDAKIOA

Publikatuta: 2020/04/23 18:22 (UTC+2) Azken eguneratzea: 2020/04/25 20:01 (UTC+2)

Maskarak Doña Casilda parkean banatzekoak ziren, goizeko lehen ordutik, baina ekimen horrek ez dauzka beharrezkoak diren baimenak.

Emakume bat hiru umerekin. Irudia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Ostiraletik aurkakoa zabaldu zen arren, igande goizean ez da Bilbon harrentzako maskararik banatuko ekimenak ez dituelako beharrezkoak diren baimena. Banaketa igande goizerako kiragarrita zegoen, boluntario talde baten aldetik.

Maskarak, "berrerabilgarriak, garbigarriak eta desinfektagarriak", goizeko zortzietan banatzen hastekoak ziren, izakinak agortu arte. Trukean, "borondatea eta, batez ere, janaria" eskatzeko asmoa zuten, Imanol Osa ekimenaren bultzatzaileak jakinarazi zuenez.

Ertzaintzak eta DYAk argi utzi nahi izan dute ekimenarekin zerikusirik ez dutela, Osak ostiralean kontrakoa adierazi arren,

Osaren arabera, maskarak egiten hasi ziren, "ezin delako izan eskaintzaren eta eskariaren legea maskarekin nagusitzea".

Duela urtebete inguru, maskuriko minbizia sendatu ziotenean, "bizia salbatu zioten" Basurtuko Ospitaleko medikuei laguntzeko modu gisa, proiektu horri ekitea erabaki omen du Osak.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.