Maskaren prezioak ezartzeko agindua onartuko du Osasun Ministerioak

AGENTZIAK | ERREDAKZIOA

Publikatuta: 2020/04/18 22:08 (UTC+2) Azken eguneratzea: 2023/03/09 12:17 (UTC+1)

"Maskarillak herritarren guztien eskura egotea" izango da agindu horren helburua, Espainiako Gobernuko presidenteak iragarri duenez.

1:56

Whatsapp
Whatsapp
telegram
twitt
Bidali
Esteka kopiatu

Albisteak (4)

Farmaziek beren burua eskaini diote Jaurlaritzari maskarak banatu eta testak egiteko

Bideoak (1)

Oso pixkanaka eta ez farmazia guztietara, baina hasi dira iristen maskarak

Maskarillen prezioak "kontrolatzeko eta zehazteko" agindua onartuko du igande honetan Espainiako Osasun Ministerioak, "maskarillak herritar guztien eskura egoteko asmoz", Pedro Sanchez Espainiako Gobernuko presidenteak larunbat honetan prentsaurreko telematikoan iragarri duenez, xehetasun gehiago eskaini gabe.

Jesus Aguilar Farmazien Elkargoko Batzorde Nagusiko presidenteak esan zuen atzo ez zekitela "noizko normalizatuko zen farmazietan maskarillen hornidura". Osasun txartelaren bidez, modu kontrolatuan eta irabazirik gabe, farmaziek herritarrei maskarak emateko proposamena egin zioten Espainiako Gobernuari, baina horren inguruan ez zuela erantzunik jaso jakitera eman zuen Aguilarrek.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.