Gizartea
Koronabirusa
ELAk “testak baino gehiago” eskatu du Gipuzkoako adinekoen egoitzetan
Agentziak | Erredakzioa
Sindikatuak Gipuzkoako hiru zentro eta Aldundia auzitara eraman ditu, eta Eider Mendoza foru bozeramaileak erantzun du langile eta egoiliarrei test bikoitza egiten ari zaiela.
-
Tolosako, Zumarragako eta Ordiziako egoitzak salatu ditu ELAk
ELA sindikatuak atzo, asteartearekin, zehaztu duenez, “testak egiten diren edo ez” baino gehiago bilatzen du Gipuzkoako Aldundiaren eta lurralde horretako adinekoen hiru egoitzaren aurka osasunerako eskubidea urratzea egotzita jarri duen salaketan.
Sindikatuak Eider Mendoza foru bozeramaileari erantzun dio horrela, horrek esan baitu auzibidean jarritako hiru egoitzetan COVID-19 atzemateko test bikoitza (test azkarra + PCR) egiten ari direla esan eta gero. Pandemiaren aurreko borrokan, lankidetza ere eskatu du Mendozak.
ELAk Iurreamendi (Tolosa), Argixao (Zumarraga) eta San Jose (Ordizia) egoitzen eta Gipuzkoako Foru Aldundiaren aurka jo du salaketan, langileen osasuna ez bermatzea leporatuta.
Mendozak, agerraldi telematiko batean, nabarmendu du salaketa jaso duten hiru zentroetan “langile guztiek babes material eraginkorra” dutela eta azaldu du “hiru egoitza horietan Osakidetzak laguntza mediko eta erizaindegikoa eskaini duela”.
“Gipuzkoako sistema sanitario eta social osoa bezoz beso ari da lanean egoera honi aurre egiteko eta Aldundia lehen minututik ari da laguntzen”, adierazi du Mendozak “laguntza” eskatu aurretik.
Sindikatuak “kautelazko neurriak” eskatu dituzte zentroetako langileei norbere babeserako ekipoak emateko, horiek ondo erabiltzeko eta langile guztiei “berehala” testak egitea.
