Gizartea
KORONABIRUSA
Bi pertsona atxilotu dituzte Iruñean, familia eremuan tratu txarrak ematea egotzita
Agentziak | Erredakzioa
Udaltzaingoak gainera 13 esku-hartze egin ditu bizikidetza arazoengatik; hamar ordena publikoa urratzeagatik; sei laguntza behar zuten pertsonei; eta lau zaratak edo eragozpenak direla eta.
Iruñeko Udaltzaingoak bi pertsona atxilotu ditu familia eremuan tratu txarrak ematea egotzita, eta azken 24 orduetan beste 39 zigor proposamen abiatu ditu, alarma egoerak ezarritako mugikortasun murrizketak ez betetzeagatik.
Udaltzaingoak jakinarazi duenez, azken 24 orduetan 166 ibilgailu kontrolatu dituzte, horietatik 9 hiri garraioko autobusak, 30 zigor proposamen egin dituzte, 6 kontroletan eta 33 horietatik kanpo.
Era berean, azken egunean, Udaltzaingoaren patruilek 63 esku-hartze egin dituzte, eta horietatik hamahiru bizikidetza arazoengatik izan dira; polizia bitartekaritzak gatazka gehienak konpontzea lortu du; hamar, ordena publikoa urratzeagatik; sei, behar zuten pertsonei laguntzeagatik; eta lau, zaratak edo bizilagunei eragozpenak eragiteagatik.
Gainera, gaur gauean, agenteek orientazioa galdu zuen 92 urteko gizon bat aurkitu dute, eta etxera bueltatzen lagundu dute.
