Nafarroak erositako eta Turkian atxikitako arnasgailuak Iruñera iritsi dira

Agentziak | Erredakzioa

Publikatuta: 2020/04/09 20:09 (UTC+2) Azken eguneratzea: 2020/04/09 20:46 (UTC+2)

Santos Indurain Foru Gobernuko Osasun kontseilariak zehaztu duenez, arnasgailuak Nafarroako Ospitale Gunean ari dira muntatzen.

Arnasgailuak asteazken gauean iritsi ziren Madrilera, irudian ikusten denez. Argazkia: EFE.

Whatsapp
Whatsapp
telegram
twitt
Bidali
Esteka kopiatu

Albisteak (2)

Ostegun honetako 06:00etan iritsi dira Iruñera Nafarroako Gobernuak bereganatutako eta Turkian atxikitako arnasgailuak. Hala baieztatu du Santos Indurain Foru Gobernuko Osasun kontseilariak; prentsaurrekoan esan duenez, arnasgailuak asteazken gauean heldu ziren Madrilera, eta goizeko lehen orduan Iruñean zeuden: "Nafarroako Ospitale Gunean ari dira muntatzen", adierazi du.

Hasiera batean, Turkiak erabaki zuen Nafarroak eta beste hainbat autonomia-erkidegok koronabirusak kutsatutako gaixoak artatzeko lortutako materiala. Azkenean, kontua Espainiako Atzerri Ministerioak kudeatuta, materiala Estatura iritsi da.

Bestalde, Santos Indurain kontseilariak zehaztu du Nafarroa mailaka ari dela jasotzen Osasun Ministerioaren materiala, eta, halaber, bere hornikuntza egiten ari dela; ziurtatu duenez,"material hori zentzuz ari dira erabiltzen profesionalak; hori oso eskertzekoa da".

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.