Bilboko Udalak bertan behera utzi ditu ezkontza zibilak

eitb.eus

Publikatuta: 2020/04/01 12:50 (UTC+2) Azken eguneratzea: 2020/07/10 07:52 (UTC+2)

Ohiz kanpoko egoera batengatik atzeratu ezin diren ezkontzak baino ez dira gauzatuko, eta egoera hori behar bezala egiaztatu beharko da.

Bilbok ezkontza zibilak atzeratu egin ditu, egoera oso zehatzak salbu. Argazkia: Pixabay.

Whatsapp
Whatsapp
telegram
twitt
Bidali
Esteka kopiatu

Bilboko Udalak bertan behera utzi ditu Udaletxean aurreikusita zeuden ezkontza zibil guztiak, egungo alarma egoera irauten duen bitartean.

Neurri honen bidez, funtsezkotzat jotzen ez den Ezkontza Zibilen Zerbitzua etengo du, jarduerak mugatzen dituen martxoaren 29ko 10/2020 Errege Dekretuak adierazten duen moduan.

Ohiz kanpoko egoera batengatik atzeratu ezin diren ezkontzak baino ez dira egingo, eta egoera hori behar bezala egiaztatu beharko da.

Bilboko Udalak aurreikusitako ezkontza-egutegia berrantolatuko du.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.