Espainiak eta Norvegiak lehen gaixoak apuntatu dituzte COVID-19aren terapietarako

AGENTZIAK | ERREDAKZIOA

Publikatuta: 2020/03/27 19:22 (UTC+1) Azken eguneratzea: 2023/03/13 11:52 (UTC+1)

Sendagai eraginkorrena zein den jakiteko behar den denbora "nabarmen" murriztuko duela ziurtatu du Tedrosek.

Medikuntzako laborategi bat. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (4)

Beste sei heriotzak 29ra igo dituzte Arabako egoitzetan hildako adinekoak

Tedros Adhanom Ghebreyesus Osasunerako Mundu Erakundeko (OME) zuzendari nagusiak iragarri duenez, Espainiak eta Norvegiak lehenengo gaixoak apuntatuko dituzte 'Solidarity Trial' saiakuntza klinikoan. Bertan, lau sendagairen segurtasuna eta eraginkortasuna alderatuko dituzte, baita botika ezberdinen konbinazioak ere, koronabirus berriari aurre egiteko.

Eguneroko prentsaurrekoan, Tedrosek saiakera "historikoa" dela adierazi du, sendagai eraginkorrena zein den jakiteko behar den denbora "nabarmen" murriztuko duelako. Horrez gain, 45 herrialde lan horretan laguntzen ari direla jakinarazi du, eta beste batzuek dagoeneko interesa agertu dutela bertan parte hartzeko.

"Zenbat eta herrialde gehiago batu probarekin, orduan eta azkarrago izango ditugu emaitzak", esan du Covid-19aren tratamenduan eraginkorrak direla frogatu ez duten terapiak erabiltzeari uko egin diezaioten eskatzeko.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.