447.280 maskara eta eskularru banatu dituzte etxez etxeko laguntza zerbitzuetan

Agentziak | Erredakzioa

Publikatuta: 2020/03/26 14:17 (UTC+1) Azken eguneratzea: 2021/02/11 14:04 (UTC+1)

Udalei eman die material hori Osasun Sailak, eta etxez etxeko laguntza zerbitzuan diharduten langileen artean banatuko dute.

Materiala etxez etxeko laguntza zerbitzuko langileentzat zuzenduta dago. Argazkia: EiTB

Whatsapp
Whatsapp
telegram
twitt
Bidali
Esteka kopiatu

Albisteak (1)

Espainiak 550 milioi maskara eta 5,5 milioi test azkar erosi dizkio Txinari

Osasun Sailak 223.640 maskara eta beste horrenbeste eskularru eman dizkie udalei zein mankomunitateei, etxez etxeko laguntza zerbitzua ematen ari diren langileen artean banatzeko, Nekane Murga Osasun sailburuak jakitera eman duenez.

Osasun sailburuaren arabera, material hori euren buruaz arduratzeko laguntza behar duten pertsonak zaintzen dituzten profesionalei emango dizkiete.

Horrez gain, Euskadiko egoitzei 3.190 txabusina, 17.545 maskara eta 300 betaurreko baino gehiago eman dizkietela ziurtatu du. Murgak azaldu duenez, hornidura hori "handituz doan heinean banatu egingo da; gaur bertan, esaterako, 4.514 txabusina, 4.410 eskularru, 2.481 maskara, amantal, estalki eta gelak eskatu dira".

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.