COVID-19a sendatzeko tratamendu faltsuen 16 bideo kentzeko eskatu diote Youtuberi

agentziak | erredakzioa

Publikatuta: 2020/03/25 14:21 (UTC+1) Azken eguneratzea: 2022/11/29 10:06 (UTC+1)

Kataluniako Ikus-entzunezkoen Kontseiluak (CAC) salatu du 340.000tik gora ikustaldi dituzten bideo horietan pandemia gutxiesten dela eta zalantzan jartzen dela babes neurriak hartzeko beharra.

Koronabirus proba Osakidetzan. Argazkia: EiTB

Whatsapp
Whatsapp
telegram
twitt
Bidali
Esteka kopiatu

Albisteak (4)

Koronabirusa dutenen birikiek ez dute izaten ehuneko 50eko fibrosia lehen sintomekin

Kataluniako Ikus-entzunezkoen Kontseiluak (CAC) ustez COVID-19 gaitza sendatzen cuten tratamendu faltsuei buruzko 16 bideo kentzeko eskatu dio Youtuberi. Dagoeneko 340.000tik gora ikustaldi izan dituzte bideoek.

CACren arabera, koronabirusari aurre egiteko egokiak ez diren produktuak proposatzen dituzte, pandemia gutxiesten dute eta babes neurriak zalantzan jartzen dituzte, urruntze soziala tartean.

Koronabirusari buruzko 'fake news'ak

Bideoetako protagonistak, ikerlari gisa aurkezten direnak, kloro dioxidoa edo sodio kloritoa (desinfektatzaile gisa erabiltzen dira) hartzea proposatzen dute sendagai gisa, eta osasun agintariei farmazia industriaren mende egotea leporatzen diete, askoz merkeagoa delako haiek proposatzen dutena.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.