523 isun jarri zituzten atzo EAEn alarma egoeran ezarritako neurriak ez betetzeagatik

eitb.eus

Publikatuta: 2020/03/24 13:45 (UTC+1) Azken eguneratzea: 2020/09/17 14:56 (UTC+2)

Ertzaintzak 178 pertsona salatu zituen, eta udaltzaingoek, berriz, 345. Bestalde, 3 pertsona atxilotu zituzten.

Ertzaintzaren artxibo irudia Donostiako kaleetatik. EFE

Whatsapp
Whatsapp
telegram
twitt
Bidali
Esteka kopiatu

Albisteak (1)

Poliziek 73 salaketa jarri dituzte EAEn isolamendu neurriak ez betetzeagatik

Ertzaintzaren eta EAEko Udaltzaingoaren artean atzo beste 523 salaketa-akta abiarazi zituzten koronabirusaren ondorioz ezarri den alarma-egoeran ezarritako neurriak ez betetzeagatik. Ertzaintzak 178 pertsona salatu zituen, eta udaltzaingoek, berriz, 345. Bestalde, 3 pertsona atxilotu zituzten.

Ertzaintzak, alarma-egoera dela eta ezarritako neurriak betetzen direla bermatzeko egunero egiten duen jarduera bereziaren baitan, 786 pertsona identifikatu eta 238 auto geldiarazi zituen. Kontrol horietan 178 isun jarri zituen ezarrita dauden mugikortasun-murrizketak ez betetzeagatik. Ertzaintzak, bestalde, 2 pertsona atxilotu zituen atzo.

Euskadiko hiriburu eta udalerrietako Udaltzaingoek, berriz, 1.245 pertsona identifikatu zituzten, 2.202 ibilgailu geldiarazi zituzten eta 345 isun jarri zituzten atzo. Horrez gain, pertsona bat atxilotu zuten.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.