Babes-materiala, testak eta konfinamendu neurri zorrotzagoak eskatu dituzte medikuek
Espainiako Medikuen Elkargo Ofizialen Kontseilu Nagusiak (CGCOM) oharra kaleratu du berehala osasun arloko pertsonak babesteko materiala zabaldu dadin, baita COVID-19aren test unibertsalak ere. Era berean, herritarrentzako konfinamendu neurri gogorragoak eskatu dituzte, osasungintzako langileak "euren onena ematen ari baitira, bai maila profesionalean baita pertsonalean ere"
"Ezin dugu beste egun bat ere egon lantaldeentzako beharrezkoak diren babes neurririk gabe. Ezin dugu infekzio kasuak goraka doazela ikusten egon (kutsatu guztien %12 osasun arloko langileak dira) eta ezin dugu pandemia zabaltzen duen agente izan, une honetan jasaten ari garen material eskasia salatu gabe. Urgentziazkoa da sektorea babestea" salatu du CGCOMek ohar batean.
Era berean koronabirusaren proba diagnostikoak mediku guztien eskura egon behar dutela esan dute, bakartze eta koarentena mekanismoak martxan jarri ahal izateko.
Azkenik, konfinamendu neurri zorrotzagoak eskatu dituzte. "Alarma Egoeran gaude eta mekanismo konstituzional horrek nahikoa esaten du. Oso ondo dago zerbitzu publikoei txalo jotzea, baina derrigorrezkoa da muga guztiak onartu eta herritar gisa dugun ardura gure gain hartzea".
Ildo horretan, osasungintzako giza baliabideen politika "irmoa" eskatu dute: asistentzia sailkatzea eta mugatzea, koronabirus kasuak artatzeko zentro bereziak izendatzea eta "erkidego autonomoen artean pertsonak bereganatzeko borroka antzuetan ez sartzea, inongo lurralde gaitasunik gabe ez uzteko".
CGCOMek Espainiako Gobernuarekiko zein gobernu autonomikoekiko lankidetza berretsi du, "erronka izugarri honi aurre egiteko" baina "egun bat gehiago ere ezin gara egon medikuak COVID-19aren aurrean ahultzen dituen egoera batean" oharatarazi dute.
Herritar guztiei esker onak emanez amaitu dute oharra medikuek: "Eskerrik asko zuen esfortzu eta arduragatik, baina oraindik ere denbora luzez beharko dugu. Neurri indibidualak, familiarrak eta komunitarioak zorroztea tokatzen zaigu. Gure helburu nagusia adinekoak eta gehien behar dutenak babestea izan behar du. Konbentzituta gaude gerra hau elkarrekin irabaziko dugula"
Albiste gehiago gizartea
Lan Onari saria Carmelo Urza Larrauri Filologia Hispanikoko doktoreari emanda itxi du Lehendakaritzak 2025eko Jaialdira egindako bisita
Esparru akademikoan egindako lanagatik eta kanpoan euskal kultura zabaltzen egindako ekarpenagatik saritu dute Renoko Unibertsitateko Filologia Hispanikoko doktorea. Oso gazte zela Estatu Batuetara bizitzera joan bazen ere, euskal sustraiei eusteagatik eta Euskadiren eta Estatu Batuen arteko harremanak estutzeko lan egiteagatik nabarmendu da beti.
Normaltasuna nagusi zirkulazioan larunbat goizean, abuztuko irteera operazioan
Lehen orduan auto-ilarak izan dira AP-8 autobidean, Irun parean, eta AP-1ean, Gasteiz inguruan, abuztuko lehen asteburuko irteera eta itzulera operazioarekin batera.
Lau gizonek 18 urteko neska bat inguratu eta bortxatu dute Ferrolen
Gizon bat atxilotu dute jada. Erasoa Coruñako hiriaren Espainia plazako arkupe batzuetan gertatu zen. Gertakariak asteartetik asteazkenerako gauean jazo ziren, hiriaren erdialdean.
Bilbok hilerria modernizatu du errausketak eta maskotentzako zerbitzuak eskaintzeko
Araudi berria irailera arte egongo da ikusgai, eta heriotza perinatalari ematen zaion tratuari eta erlijio-aniztasunerako guneei buruzko hobekuntzak ere jasotzen ditu, besteak beste.
Adineko bost moja Urduñako komentutik ateratzea eragotzi dute, erlijiosoak Beloradotik bota ondoren
Adineko lekaimeen beharrengatik egokitutako garraio berezi bat prest zuten, baina ezin izan dute erabili, moja matxinoek uko egin baitiote giltzak emateari. Gainera, gaurko operazioa "bahiketatzat eta agintekeriatzat" jo dute moja horiek.
Gasteizko txosnak itzuli dira txandalariak omenduz, eta musikaz eta aldarrikapenez beteta
Txosnagunea Arabako Campusera itzuliko da kontzertuekin, herri-ekimenekin eta TicketBAIren ezarpenaren kontrako protestekin. Bien bitartean, Txosnetako txandalariak izan dira Txosnisariaren irabazleak.
50 boluntario inguruk Barrundian desagertutako 77 urteko emakumea bilatzeko lanekin bat egin dute
Senideek asteartean salatu zuten adineko emakumearen desagerpena. Emakumea Hermua auzoko bere etxebizitzatik atera zen, eta ez dute berriro ikusi.
Zeledonek baditu aterkia, zahatoa eta zapia: "Ez dugu inolako erasorik onartuko"
Maider Etxebarria alkateak "zorterik onena" opa dio Iñaki Kerejazuri. Kerejazuk bigarren urtez jarraian pertsonaia ezagunaren papera egingo du. Bere hitzaldian, alkateak jaiez "arduraz" eta "errespetuz" gozatzera gonbidatu ditu herritarrak.
Katherine Bidegaray, Montanako Auzitegi Goreneko epailea, euskal amerikar komunitatearen ordezkari boteretsuenetako bat da egun, AEBn
Behe Nafarroako familia batean sortua, haurtzaroa Ipar Dakotako mugako belardietan egin zuen, gurasoen arrantxoan. Bidegaray oso kritikoa da Trumpekin eta etorkinen deportazioekin. Emakumearen eskubideen alde egiteagatik ere ezaguna da.
Chikungunya: tigre-eltxoaren gaixotasuna saihesteko gakoak eta aholkuak
Pello Latasak, Eusko Jaurlaritzako Osasun saileko zaintza epidemiologikorako arduradunak, tigre-eltxoek kutsatzen duten chikungunya gaitzaren inguruan mintzatu da. Latasak azaldu duenez, gaitza ez da zuzenean gizakien artean transmititzen; hala ere, badira salbuespenak. Bideo honetan sintomak zeintzuk diren, transmisioa nola ematen den eta gaitzari aurre egiteko gomendioak eman dizkigu arduradunak.