Lanzaroten harrapatutako Gasteizko familia batek laguntza eskatu du etxera itzultzeko

Agentziak | Erredakzioa

Publikatuta: 2020/03/20 13:36 (UTC+1) Azken eguneratzea: 2020/03/31 14:26 (UTC+2)

Penintsulara itzultzeko euren hegaldiak bertan behera gelditu direla ikusi dute, eta laster uharteko hotelak "itxi" egingo dituztela esan dute.

1:18

Whatsapp
Whatsapp
telegram
twitt
Bidali
Esteka kopiatu

Albisteak (2)

Bideoak (1)

Euskal herritar askok etxera itzultzeko zailtasunekin jarraitzen dute

Lanzaroten harrapatuta dagoen Gasteizko familia batek laguntza eskatu du etxera itzultzeko; izan ere, uharte horretako hotelak "guztiak itxiko dituzte" eta "ez dute" nora joan behar hori gertatzen denean, eta litekeena da semearekin kalean egotea.

Bideo baten bidez, Mikel Latorrek, bere izenean, Lina emaztea eta Ibai semearen izenean, eskaera hori egin du, "Mmrrizketen aurretik" oporretan "egun batzuk pasatzera" joan zirela azaldu ondoren, eta astelehenean, hilak 16, ezin izan zutela itzulerako hegaldia hartu, bertan behera utzi baitzuten.

"Horren ondoren, beste hiru hegaldi hartu eta bertan behera utzi dizkigute. Itzultzeko laguntza behar dugu, hotelak denak itxiko baitituzte eta ez dugu non lo egin", nabarmendu du Mikelek.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.