Ibuprofenoaren erabilerak ez duela kalterik egiten esan du Munduko Osasun Erakundeak

AGENTZIAK | ERREDAKZIOA

Publikatuta: 2020/03/19 18:38 (UTC+1) Azken eguneratzea: 2020/05/18 12:57 (UTC+2)

Nolanahi ere, aitortu egin du sendagai horrek ez duela infekzioa areagotzen.

El ibuprofeno no está recomendado para el coronavirus. Foto: EiTB

Whatsapp
Whatsapp
telegram
twitt
Bidali
Esteka kopiatu

Albisteak (3)

Munduko Osasun Erakundeak (MOE) nabarmendu du ibuprofenoak ez duela kalterik egiten koronabirus kasuetan.

Nazio Batuen (NBE) menpe dagoen erakunde horrek aditu medikuekin aztertu du ibuprofenoaren erabilera, eta efektu negatiborik ez duela nabarmendu du.

Aste honetan, Sendagaien Espainiar Agentziak (AEMPS) ere ukatu egin du ibuprofenoak areagotu egiten duela koronabirusaren infekzioa.

Koronabirus kasuetarako Ibuprofenoaren erabilera zalantzan jarri zuen lehena Olivier Veran Frantziako Osasun ministroa izan zen. Olivierrek paracetamola hartzeko deia egin zien sukarra dutenei, ibuprofenoak sintomak larritu egiten dituelakoan.

Orain, MOEk gezurtatu egin du ibuprofenoak infekzioa areagotzen duela.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.