Gizartea
Koronabuloak
Faltsuak dira Unicefen izenean zabaldu diren koronabirusaren aurkako aholkuak
EiTB
Beraz, ez dira zuzenak Unicefen logoa baliatuta zabaldutako zenbait baieztapen, besteak beste, izozkia eta beste elikagai hotz batzuk ez jatea gaixotasuna ekiditeko mesedegarriak direla diotenak.
-
Unicefen izenean koronabirusari buruz zabaldutako argibide faltsuak. Argazkia: EiTB
Unicefen logoa baliatuta, koronabirusari aurre egiteko argibideak ematen dituzten irudi batzuk erabat faltsuak dira, Charlotte Petri Unicefeko zuzendari exekutibo ondokoak baieztatu duenez. Aipatu irudiak mundu osoan zabaldu dira berriki, hainbat hizkuntzatan plazaratzen baitituzte azalpenak.
Ustezko gomendioen arabera, besteak beste, izozkia eta bestelako elikagai hotzak ez jateak gaitza ekiditeko balio dezake. Beste aholku baten esanetan, ur beroa edateak edota eguzkitan egoteak birusa hiltzen laguntzen du. Beste zenbait irudik koronabirusa materia bizigabe baten gainean uzten denean aktibo irauten duen denborari buruzko informazio ematen dute. Hori, "noski, erabat faltsua da", Unicefek baieztatu duen legez.
¡Gracias por ayudarnos a desmentir esta información falsa que nos atribuyen! En @unicef_es solo utilizamos nuestras redes sociales oficiales y nuestra web para divulgar información veraz y contrastada https://t.co/13jcrYRqe4
— UNICEF ComitéEspañol (@unicef_es) March 17, 2020
Beste irudi batek, ur epel eta gaziarekin gargarak egiteak birusa deuseztatzen duela azaltzen du, biriketara iristea eragotzita. Hain zuzen ere, azken informazio hori EiTBko #Koronabuloak ekimeneko lantaldeak dagoeneko gezurtatu zuen.
Horrenbestez, Nazio Batuen Haurren Laguntzarako Funtsak jarraibide horiek igorri izana ukatzeaz gain, faltsukeria horien sortzaileei mezua bidali die: "Nahikoa da. Zehatza ez den informazioa partekatzea eta autoritatez hornitzen saiatzea, konfiantzazko posizioa dutenen izenak bidegabe hartuta, arriskutsua eta okerra da".
