Selektibitatea atzeratuko dute, baina oraindik ez dago datarik

Agentziak | Erredakzioa

Publikatuta: 2020/03/17 17:59 (UTC+1) Azken eguneratzea: 2020/03/17 18:36 (UTC+1)

Espainiako Gobernua eta autonomia erkidegoak bat datoz ekaineko lehen asteetan egitekoak ziren azterketak atzeratu behar direla esaten.

Oraindik ez dute datarik zehaztu azterketak egiteko. Argazkia: Efe.

Whatsapp
Whatsapp
telegram
twitt
Bidali
Esteka kopiatu

Albisteak (3)

Espainiako Hezkuntza eta Lanbide Heziketa Ministerioa, Unibertsitateetakoa eta autonomia erkidegoak bat etorri dira gaur, asteartearekin, aurten ekaineko lehen asteetarako aurreikusita zeuden Selektibitateko azterketak atzeratu behar direla esaten, koronabirusaren ondorioz eskolak bertan behera utzi eta gero. Hala ere, hezkuntza arloko administrazioek ez dute oraindik behin betiko erabakirik hartu, eta lanean jarraituko dute unibertsitatera sartzeko hautaproben datak zehazteko.

Hori adierazi dute autonomia erkidegoen hainbat ordezkarik, Espainiako Gobernuaren eta Unibertsitate Errektoreen Espainiako Konferentziaren hainbat ordezkariren batera Hezkuntza Konferentziaren Batzorde Nagusian parte hartu eta gero.

Administrazioek konpromisoa hartu dute lantalde bat sortzeko, 2020 Selektibitatearen ohiko eta ez ohiko deialdietarako data aproposa bat aurkitze aldera.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.