"Normaltasuna" Irungo mugan kontrol berrien aurrean

AGENTZIAK | ERREDKZIOA

Publikatuta: 2020/03/17 11:47 (UTC+1) Azken eguneratzea: 2020/03/17 15:00 (UTC+1)

Mugaz gaindiko langileak direla egiaztatzen duen enpresaren agiri bat eskatuko zaie pasatzen diren hurrengo aldian.

1:48

Whatsapp
Whatsapp
telegram
twitt
Bidali
Esteka kopiatu

Albisteak (3)

Bideoak (1)

Mugak itxita daude koronabirusari hesia jartzeko

COVID-19aren osasun-alerta dela-eta Espainiako Gobernuak ezarritako lurreko mugen kontrolaren aurrean, Irungo (Gipuzkoa) mugako egoera "normala" dela adierazi dute Ertzaintzak eta Udalak.

Guardia Zibila eta Polizia Nazionala kontrolak egiten ari dira Irungo mugan, eta ibilgailuetan doazenei dokumentazioa eskatzeari ekin diote. Muga igarotzean, mugaz gaindiko langileak direla egiaztatzen duen enpresaren agiri bat eskatuko zaie pasatzen diren hurrengo aldian.

Zirkulazioa arina izaten ari da, auto eta kamioi gutxirekin Biriatuko mugan. Ez da istilurik izan eta egoera "normala" da, "egungoa bezalako egoera baten barruan", iturri berberek adierazi dutenez.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.