Basurtuko ospitaleak ukatu egin du koronabirusaren aurkako txertoa emango duela

AGENTZIAK | ERREDAKZIOA

Publikatuta: 2020/03/16 23:01 (UTC+1) Azken eguneratzea: 2020/03/23 23:47 (UTC+1)

Bilboko osasun-zentroak gezurtatu egin du sare sozialetan zabaldutako informazioa.

Logotipo de Osakidetza

Whatsapp
Whatsapp
telegram
twitt
Bidali
Esteka kopiatu

Albisteak (3)

Basurtuko Erakunde Sanitario Integratuak (ESI), hots, koronabirusak kutsatutako gaixoei arreta emateko erreferentziazko euskal ospitaleetako batek, "irmo" gezurtatu du astearte honetan COVID-19 gaitza eragiten duen birusaren aurkako txertoa emango duela, sare sozialetan zabaldu denez.

Ohar baten bidez, Bilboko ospitaleak argitu du Basurtuko Osasun Zentroan koronabirusaren aurkako txertoa emateari buruzko informazioa "faltsua" dela, eta gaitzetsi egin ditu horrelako albiste faltsuak, herritarren artean "nahasmena" besterik ez dutelako eragiten.

¿¿¿@OSIBilbaoBasurt azalpen oharra: Argitu behar da Basurtuko Osasun Zentroan bihar koronabirusaren aurkako txertoa emateari buruzko informazioa FALTSUA dela.@OSIBilbaoBasurt gezurtatu egin nahi du, kategorikoki, gezur hau.
— OSI Bilbao Basurto (@OSIBilbaoBasurt) March 16, 2020

Hori dela eta, Basurtuko ESIk Osasun Sailaren eta Osakidetzaren gomendioak kontuan izateko eskatu die herritarrei.

Kontuan izan osasun-agintariek koronabirusaren aurka emandako aholkuak. Koronabirusaren inguruko albiste faltsuen aurrean, egin kasu bakarrik iturri ofizialek ematen dituzten albisteei. Eta zurrumurru, gezur edo albiste faltsu baten susmorik baduzu, idatzi koronabuloak@eitb.eus helbide elektronikora edo bidali WhatsApp bidez mezu bat 600 900 454 telefono zenbakira. Ez diogu inori zuzenean erantzungo, baina oharrak jaso, aztertu, eta faltsuak direla egiaztatuz gero, Koronabuloak webean aireratuko ditugu.