Gizartea
Zaldibarko luizia
Langileetako baten autoa agertu zen tokian ari dira bilatzen, zabortegian
Agentziak | Erredakzioa
Hilaren 6tik desagertuta dauden langileak topatzeko lanak "erritmo onean" doaz aurrera, Eusko Jaurlaritzaren hitzetan.
Albisteak (9)
- Amonioa antzeman dute berriro Aixolako ubidean, Zaldibarko zabortegitik gertu
- Gasteizek Zaldibarrera zihoazen 23.000 tona hondakin har litzake
- Bizkaiko foru zabortegiek ezin dituzte Zaldibarko hondakin industrialak hartu
Zaldibarko zabortegian, astearte honetan, desagertuta dauden bi langileetako baten autoa agertu zen eremuan ari dira bilatzen beharginak. Hilaren 6an izan zen luizia, eta ordutik daude desagertuta bi langile horiek.
Eusko Jaurlaritzaren Segurtasun Saileko Larrialdiei Aurre Egiteko eta Meteorologiako Zuzendaritzaren zuzendari Pedro Anituak bilaketa-lanen gaineko informazioa eman du goizean.
Ildo horretan, adierazi duenez, une honetan langileetako baten autoa aurkitu zuten eremua ari dira bahetzen. Desagertuak topatzeko lanak "erritmo onean" doaz aurrera; izan ere, lan espezifiko horietan erabiltzekoak diren makinak ari dira erabiltzen. Hain zuzen ere, lurra bahetzen duen bost hortzeko orraziak dituzte makina horiek.
