Amiantoagatik herritarrentzako arriskurik egotea baztertu du Ermuak

Ermuko Udalak argi utzi du ez dagoela "herritarrentzako inolako arriskurik" ostegun honetan izandako luiziagatik; hondakindegi batean jazo da lur-jausia, eta, besteak beste, amiantoa zegoen bertan, baina; Udalaren esanetan, ez da herritarrentzako arriskutsua.

Hala esan du udal-gobernuak Twitterreko bi mezutan; bertan azaldu du Eusko Jaurlaritzak balizko arriskurik baztertu duela, eta iragarri du hondakinak kentzeko lanak berriro hasi dituztela.

Los trabajos de búsqueda de los dos desaparecidos se han paralizado por el hallazgo de amianto entre los residuos inertes del vertedero de Zaldibar. Nos comunican desde la propia “zona cero” que no representa ningún riesgo para la población. Activado protocolo por precaución.

— Gobierno Ermua (@GobiernoErmua) February 7, 2020

Nos vuelven a trasladar desde Gobierno Vasco que no existe NINGÚN RIESGO para la población por el desprendimiento ocurrido en el vertedero de Zaldibar. Continúan los trabajos de desescombro.

— Gobierno Ermua (@GobiernoErmua) February 7, 2020

Bestalde, Ermuko Udalak esan du goizean zabaldu dela udalerriko saihesbidea, N-634 errepidean. Luiziaren ostean, itxi zuten, AP-8ko lau erreiekin batera.

Errepidea garbitzeko, Foru Aldundiak 45 lagun mobilizatu zituen; hamabi orduz jarraian izan ziren lanean, Ermuko Udalak adierazi duenez.

Langile horiek ondorengoak erabili zituzten: sei atzerako hondeamakina, ur-zisterna bat, bi garbitzaile, beso-kamioi bat, pintzadun kamioi bat, hiru argi-dorre, bost ebakitzaile, drone-ekipo bat eta zisterna-kamioi bat, erregaiaz hornitzeko.