'Ume lapurtuen' auziko DNA probak 'arintzeko' eskatu du Legebiltzarrak

Erredakzioa

Azken eguneratzea: 2011/06/09 17:16 (UTC+2)

Horrez gain, Jaurlaritzak kaltetuei DNA probak ordaintzeko proposamena baztertu dute Legebiltzarrean. Legez kanpoko adopzioen auziarekin zerikusia dutelakoan 300 kasu egon daitezke EAEn.

Whatsapp
Whatsapp
telegram
twitt
Bidali
Esteka kopiatu

Albisteak (1)

Lapurtutako umeen senideei laguntza eskainiko die Jaurlaritzak

Ezker Batuak egindako proposamenari helduta, Eusko Legebiltzarrak "ume lapurtuen" auziaren inguruko hainbat ekimen eztabaidatu ditu gaurko saioan. 1950 eta 1990 urteen artean izan omen ziren ume lapurretak argitze aldera egiten ari diren DNA probak "arintzeko" eskatu diote Espainiako Gobernuari. Izan ere, baliteke epe horretan EAEn bakarrik legez kanpo 300 adopzio baino gehiago egin izana. Proba horiek Jaurlaritzak berak ordaintzeko ere eskatu du EBk, baina eskari hori ez dute onartu.

Halaber, ekimen horrek, ospitaleei 1936tik 1980ko hamarkada amaiera arte izandako haur jaioberrien ehorzketen inguruko tramiteen erlazioa gauzatzea jasotzen zuen.

PSEk aurkeztutako osoko zuzenketa, berriz, babestu egin dute. "Ikerketaz arduratzen diren epaileek eta fiskalek DNA probak arintzeko behar diren tresna guztiak" bideratzeko eskatzen zuen, eta sozialisten zuzenketak PP, UPyD eta EAJ alderdien babesa jaso du. Estatuko Fiskaltzak "kasu horien jarraipena egingo duen figura bat sortzea" ere jasotzen du Legebiltzarrak onartu duen proposamenak.