Gizartea
G7 GOI-BILERA BIARRITZEN
AEBko hegazkin militar batek Hondarribiako aireportuan materiala deskargatu du
AGENTZIAK | ERREDAKZIOA
Gipuzkoako aireportuan lurreratu den hegazkinik handienetarikoa da.
1:05
Estatu Batuetako hegazkin militar handi bat Hondarribiako aireportuan (Gipuzkoa) lurreratu da, Biarritzen abuztuaren 24an hasiko den G7 goi-bilera dela eta, hainbat material deskargatzeko.
Aenaren arabera, lau motorreko hegazkina eguerdian heldu da Gipuzkoako aireportura, eta gaur bertan itzultzea espero dute.
Antza, 53 metroko hegazkina 'Boeing C-17 Globremaster' bat da, Hondarribiako aireportuan lurreratu den hegazkinik handienetarikoa. Normalean, aireontzirik handiena Vueling konpainiako 'Airbus 320 Neo' da, 37 metrokoa.
