IKERKETA ZABALIK
Gorde
Kendu nire zerrendatik

Donostiako erasoarekin lotuta atxilotutakoak epailearen aurrean deklaratzen ari dira

Arazo teknikoak direla eta, ezin izan zuten asteburuan deklaratu, eta, ondorioz, atxiloaldia luzatu zieten. 17 urteko gaztea igandean hil zen Donostia Ospitalean.
PALIZA DONOSTIA COCHE ERTZAINTZA AUTOA BORROKA DETENIDOS ATXILOTUAK EFE
Ertzaintzaren autoa Donostiako Justizia Auzitegira sartzen. Argazkia: EFE

Donostian, 17 urteko adin txikiko bati heriotza eragin dion jipoiarekin lotuta atxilotutako zazpi lagunak epailearen aurrean deklaratzen ari dira. Izan ere, atzo, igandea, ezin izan zituzten beharrezko izapideak bete.

Efe albiste agentziak ikerketako iturriak aipatuta jakinarazi duenez, igandean hartu behar zieten deklarazioa bi lekukori, eta segurtasuneko kamera baten irudiak ikusi behar zituzten, baina ezin izan zuten egin, eta gaur arte atzeratu behar izan dute atxilotuen deklarazioa.

Donostiako Nautikoaren ondoan izan zen erasoa iragan ostiralean. 17 urteko mutil bat oso larri zauritu zuten, eta osasun zerbitzuek hil edo biziko egoeran eraman zuten Donostia Ospitalera. Azkenean, ordea, atzo hil zen Donostia Ospitalean, jipoiak eragindako zauriak gainditu ezinik.

Gainera, beste bi gazte, biktimaren lagun bat eta anaia, arin zauritu zituzten adingabeari laguntzen saiatu zirenean.

Ertzaintzak zazpi lagun atxilotu zituen, 18 eta 25 urte arteko gizonezkoak.

Ikerketa daraman epaileak guztiei atxiloaldia luzatzea erabaki zuen larunbatean, igandean bi lekukoren testigantzak jaso eta jipoiaren bideoa ikusteko asmoz, baina, arazo teknikoak direla eta, lekukoek ezin izan zuten deklarazioa eman eta ezin izan zuten bideoa ikusi. Dena den, abokatuei eman diete, horiek ere ikus dezaten.

Albiste gehiago gizartea

22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Hendaiako herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean
18:00 - 20:00
ZUZENEAN
Duela  min.

Tigre-eltxoaren kontrako fumigazio lanak egin dituzte bart Hendaian

Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.

Gehiago kargatu