Gizartea
NAFARROA
Sei zauritu, horietako bi larri, Iruñeko Alde Zaharrean piztutako sute batean
AGENTZIAK | ERREDAKZIOA
Sutea goizaldean piztu da Kale Nagusiko 55. zenbakian. Eraikina jendez hustu behar izan dute, eta suhiltzaileek garrak itzaltzea lortu dute.
Sei pertsona zauritu dira, horietako bi larri, Iruñeko Alde Zaharreko etxebizitza batean goizaldean izandako sutean, Iruñeko Udaltzaingoak jakinarazi duenez.
Sutea goizaldeko ordu bata baino pixka bat lehenago piztu da Iruñeko Kale Nagusiko 55. zenbakiko lehen solairuan.
Eraikina jendez hustu behar izan dute, eta guztira 6 pertsona eraman dituzte Iruñeko Ospitale Gunera. Sei zaurituetako bik (50 urteko emakume bat eta 47 urteko gizon bat) erredurak egin dituzte, eta larri daude Zainketa Intentsiboetako Unitatean. Emakumea Gurutzetako Erredura Handien Unitatera eraman dute.
Bestalde, arin zauritu diren lau pertsona horietako bat udaltzaina da; kea arnastu du eraikina husteko lanetan laguntzen ari zela.
6 heridos en un incendio en la calle Mayor.
— Policia Municipal Udaltzaingoa 092 (@PamplonaIrunaPM) 16 de octubre de 2018
4 personas por inhalación de humo, entre ellas un miembro
de la @PamplonaIrunaPM
2 ingresados en la UCI@bomberos_na ha sofocado el incendio.
Enhorabuena a los compañeros en esta difícil situaciónhttps://t.co/Mo9j8oRciC pic.twitter.com/OjX45ajnOg