Gizartea
Indarkeria matxista
Gizon batek bikotekideari eraso dio Gasteizen, alabaren aurrean
Agentziak | Erredakzioa
Ustezko erasotzailea -30 urte- atxilotu dute. Erasoa iragan larunbatean gertatu zen Ariznabarra auzoko etxebizitza batean.
30 urteko gizon batek ustez bikotekideari eraso dio Gasteizen, haren alabaren aurrean, eta, horrezkero, Gasteizko Udaltzaingoak atxilotu egin du, genero-indarkeria delitua egotzita.
Gasteizko Udalak agiri batean jakitera eman duenez, gertakaria iragan larunbatean jazo zen Ariznabarra auzoko etxebizitza batean. Norbaitek 092 telefonora deitu zuen, abisua emateko.
Udaltzaingoak bildutako testigantzen arabera, eztabaida bero batean gizonak emakumea jo du. Horregatik, atxilotu eta epailearen esku jarri dute.
_______________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
