Txupinazora kamiseta beltza jantzita joateko proposamena bolo-bolo zabaltzen ari da

Azken ordu hauetan izugarri zabaldu da Whatsapp bidez irudi beltz baten gainean txuriz idatzitako ondoko esaldia: "Aurten, txupinazoan, emakume guztiak kamiseta beltza jantzita, La Manadakoen kaleratzea salatzeko. Zabaldu eta birala egin dadila" (mezu originala gaztelaniaz: "Este año en el txupinazo todas las mujeres con camiseta negra para protestar contra la excarcelación de los miembros de La Manada. Compartid y que se haga viral").

Kasu hauetan ohikoa denez, ezezaguna da katearen sorburua eta ez dago zehatz-mehatz jakiterik zenbat erabiltzailerengana iritsi den, baina berehalako mezularitza appak bideratzen duen azkartasunari La Manadako kideak aske geratu zirenetik sareetan dagoen haserrea eta kalean izan diren protestak gehituz gero, azkenak gaur bertan, ez du inor harritu mezuak izan duen zabalkundeak.

Sanferminetarako 15 egun falta diren honetan, Twitterreko erabiltzaileak ere oihartzuna ematen ari dira mezuari:

Este año en el txupinazo todas vestidas de negro porque estamos de luto. Porque no toleramos las violaciones ni los abusos. Por las jornaleras en Huelva, por las que ya no están, por la de SF... La manada somos nosotras, y las calles son nuestras.

— Ungüento (@ungXento) 23 de junio de 2018

Este años, en el txupinazo, las MUJERES de NEGRO¿

¿¿¿¿¿¿¿¿¿¿ pic.twitter.com/TGJ2CnOVvd

— ¿jota!¿ (@jojasequisoc) 23 de junio de 2018

Circula por WhatsApp otra propuesta para el #chupinazo post libertad #LaManada. #Sanfermin2018 pic.twitter.com/w9xAzWuDwP

— Javier Domínguez (@dominguez_jdm) 23 de junio de 2018

Proposamena gauzatuko den edo ez ikusteko dagoen honetan, 2018ko txupinazoaren protagonistak Motxila 21 musika taldeko kideak izango direla esan daiteke. Down Sindromearen Nafarroako Elkartearen ordezkariek jaurtiko dute suziria uztailaren 6an, 12:00etan.