Gizartea
Ikasleen greba
Milaka ikasle kalean, 'La Manada'ren 'epai eskandalagarriaren aurka'
Agentzia | Erredakzioa
Ikasleen Sindikatuak Estatu osoko institutu eta unibertsitateetan deitutako grebak 'bortxatzaileak babesten dituen justizia matxista' salatu nahi du.
Ikasleen Sindikatuak deituta, greba dago gaur Estatu osoko institutuetan eta unibertsitateetan Nafarroako Auzitegiak 'La Manada'ko bost kideei ezarritako zigorra dela eta. Epai "eskandalagarria" da, sindikatuaren ustez, bortxaketagatik baino abusu sexualagatik zigortu dituztelako (bederatzina urteko zigorra).
Eguerdian milaka pertsonak parte hartu dute Bilbon (Arriaga plaza), Iruñean (Udaletxe plaza), Donostian (Boulevard) eta Gasteizen (Andre Maria Zuriaren plaza) antolatutako elkarretaratzeetan.
Bizkaiko hiriburuan, kontzentrazioa manifestazio bihurtu dute eta gazteek Kale Nagusitik egin dute protesta.
En #Bilbao cientos de estudiantes salen a las calles al grito de “No es abuso, es violación” en una jornada de #HuelgaGeneral contra la sentencia de #LaManada porque #LaManadaSomosNosotras @IkasleSind @SindicaEstudian @LibrsyCombativs @AsketaBorroka @EHSozialista @PensionistasBio pic.twitter.com/43o3Ukki5j
— Ecuador Etxea (@EcuadorEtxea) 10 de mayo de 2018
Estatuko 34 hiri eta herrietan ere elkarretaratzeak zeuden deituta.
Ana Garcia sindikatuko idazkari nagusiak azaldu duenez, "bortxatzaileak babesten dituen justizia matxista" salatu nahi dute. Horren hitzetan, "gazteriak erantzun irmoa eman behar dio, eta horregatik egin dugu greba egiteko deia".
Sindikatuaren arabera, epai "aberrante eta eskandalagarri" horrek "milioika emakume eta kontzientziadun gizonen gehiengoa sumindu" ditu eta "justizia patriarkal eta matxistaren" adibidetzat jo du.
