Gizartea
Ekitaldia
ENBA sindikatuak 'Sustraia' telebista-saioa saritu du
Agentziak | Erredakzioa
Nekazaritza arloko antolakuntzak azpimarratu duenez, 'euskal nekazaritzaren errealitate aldakorraren bozgorailua ez ezik, hirietako munduari nekazaritza eremua ezagutarazteko tresna izan da'.
-
ENBA sindikatuaren sari-banaketa. EiTB
ENBA nekazaritza sindikatuak 'Baserritarron laguna' saria eman dio gaur goizean 'Sustraia' ETBko telebista-saioari, Urnietan (Gipuzkoa) egindako urteroko batzarrean. 28 urteko ibilbidean "euskal nekazaritzaren errealitate aldakorraren bozgorailua ez ezik, hirietako munduari nekazaritza eremua ezagutarazteko tresna" izan dela nabarmendu du antolakuntzak.
ENBAk urtero egiten duen batzarrean izan da sari-banaketa. Mikel Pagola Urnietako alkatea, Xabier Arruti Gipuzkoako Foru Aldundiko Nekazaritza zuzendaria eta Bittor Oroz Eusko jaurlaritzako Nekazaritza sailburuordea izan dira ekitaldian.
Ondoren, ENBAk 2017ko balantzeaz gain, aurtengo helburuak aurkeztu ditu. Jarraian, 'Baserritarron Laguna' saria eman dute. Iñaki Goenaga sindikatuko presidenteak itxi du batzarra.
'Sustraia' saritzea erabaki du ENBAk, "lehen sektorearen irudia euskal gizartearengana garbi iristeko aliatu paregabea" baita.
