Gizartea
Gipuzkoa
Hondakinei buruzko parte-hatze prozesua egingo du GuraSOSek
Agentziak | Erredakzioa
Hitza-Hartu ekimenaren helburu nagusia arazoa konpondu eta hondakinen kudeaketari buruzko irtenbide bat bilatzea da.
-
GuraSOS. Artxiboko argazkia: EiTB
GuraSOS elkarteak astearte honetan jakitera eman duenez, hurrengo hilabeteotan Hitza-Hartu ekimena jarriko du martxan. Ekimen horren bidez, Zubietako erraustegiaren (Gipuzkoako) aurrean gizarte zibilak zuzendutako hondakinen kudeaketari buruzko parte-hartze prozesua bultzatu nahi du plataforma horrek.
Hurrengo egunotan “inoiz ikusitako partaidetza prozesu sozialaren inguruko xehetasun guztiak” emango ditu GuraSOSek. Elkarte horrek ohar baten bidez azaldu duenez, hondakinen inguruan sortutako arazoari irtenbide bat bilatzeko helburua du ekimen horrek.
Gurasoen plataformaren arabera, epaitegiak ez dira arazoa konpontzen lagundu dezaketen bide garrantzitsuena. Ildo horretatik, inork ezin izango duela partaidetza prozesua galarazi azpimarratu dute. Hala, herritarrek erabakitzeko eskubidea dutela nabarmendu dute.
GuraSOSek ziurtatu duenez, ekimen horren bidez ez dituzte erraustegiaren lanak atzeratu nahi. Zehazki, arazoari irtenbide bat eman nahi diote, beti ere, herritarrek informazioa izateko erabakitzeko duten eskubideak bermatuz.
