C Hepatitisaren botika eskatzeko elkarretaratzeak egingo dituzte
Alfonso Alonso Osasun ministroak C hepatitisaren botikaren inguruan iragarri dien erantzun zehatza iritsi bitartean, abenduaren 25etik itxialdian dira Madrilgo 12 de Octubre erietxean Estatuko hainbat gaixo.
Larunbatean, giza-katea egingo dute erietxea eta Moncloa Jauregiaren artean, eta ekimen horretan parte hartzeko asmoz, Madrilera bidean dira EAEko eta Nafarroako C Hepatitisa duten hainbat pertsona.
Bilbon ere bilkura deitu dute biharko, Sovaldi bezalako botika garestiak behar dituzten gaixoek sortu berri duten plataformak. Elkarteek diotenez, 500 bat lirateke EAEn, larri eta botika horien premian dauden gaixoak.
Protestak ugaritzen ari dira han eta hemen, C Hepatitisari aurre egiteko dauden botika berriak ez direlako iristen, gaixoen elkarte ezberdinetatik salatzen dutenez.
Tartean dago Sovaldi izenekoa, oso gaizki daudenei bakarrik ematen zaie eta guztiei emateko ordua badela adierazi dute plataformatik.
Bestalde, Nafarroako Parlamentuak adierazpen instituzionala onartu du gaur, Gobernuari eskatuz tratamendu egokia eman diezaiela C Hepatitisa duten gaixoei. UPNk eta PPk ez dute bat egin.
7.000 dira gaitzak jotakoak Nafarroan, baina botika berrienen premia luketenak 700 eta 1.200 artean direla azpimarratu dute.
Gaixo dauden pertsonen eskubideak ezin direlako irizpide ekonomikoen mende egon eta Nafarroak osasun auzi honetan erabaki propioak hartzeko eskumena baduelako, premiazko eskaera egin diote Barcinaren Gobernuari elkar hartuta PSNk, EH BILDUK, Aralarrek, Nafarroa Baik, Ezkerrak eta Geroa Baik.
Albiste gehiago gizartea
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.
Zarrakazteluko sutea freskatzen eta kontrolatzen jarraitzen dute
Gauean bertan lan egin duten suhiltzaileei txandaka egiten zaie lan 8:00etatik. Suhiltzaileek freskatze-lanak eta puntu beroen kontrola egingo dituzte asteazken goizean.