Fracking proiektuak globalki ebaluatzea baztertu du Legebiltzarrak

Eusko Legebiltzarrak atzera bota du gaur EH Bilduk eta PSE-EEk fracking edo haustura hidraulikoaren inguruan egindako proposamena, EAJren, PPren eta UPyDren botoekin. Haustura hidraulikoarekin loturiko zulaketa bakoitzeko ingurumen-eragina ebaluatzeko ikerketa orokorrak egitea eskatzen zuten EH Bilduk eta PSE-EEk.

Gasteizko Ganberan talde sozialistak eta koalizio abertzaleak aurkeztutako zuzenketa bat eztabaidatu dute, baina Legebiltzarrak atzera bota du. Sozialistek eta koalizioko kideek haustura hidraulikoa egiteko baimen bakoitzeko ingurumen-eragina ebaluatzeko azterketa estrategikoak egitea lehenesten zuten, ikerketa puntualen aurrean.

Laburbilduz, prozedimenduaren edozein unetan, ingurumen, gizarte eta ekonomia bideragarritasunari buruzko ikerketa bat egitea eskatzen zuten, bere osotasunean, "zulaketak eragin ditzakeen kalte zuzenak soilik ebaluatu beharrean".

Geminis proiektua (Bizkaiko kostaldean hidrokarburoak dauden ikertzeko proiektua) gauzatzeko baimen baten ondotik aurkeztu zituzten zuzenketak Legebiltzarrean.

Espainiako Gobernuak 2011ko irailaren 16an onartu zuen Geminis proiektua, eta gaur egun alegazio fasean dago. Alegazio horiekin lotuta, Legebiltzarrak testu bat onartu du EAJren, PPren eta UPyDren botoei esker. Testu horren bidez, kontsulta garaian, "ingurumena babesteko beharrezkotzat jotzen dituen baldintza, neurri eta mugen gainean informazioa emateko" eskatu dio Legebiltzarrak Eusko Jaurlaritzari.