Hodeiren Bila: 'Belgikako Poliziak ez du behar adina egin'

Edorta Miranda Hodeiren Bila taldeko kideak (Galdakaon sortu zuten Hodei Egiluzen bilaketaren alde) asteazken honetan esan duenez, gaztea bilatzeko “Belgikako Poliziak nahikoa egin ez duela” sentitzen du taldeak. Egiluz Amberesen desagertu zen, urriaren 19an.

Hala adierazi du gaur, Egiluzek jasandako lapurretarekin ustez zerikusia duten pertsonetatik bi kartzelatik irtengo direla jakin ostean, fidantza ordaindu eta gero.

Ustez eraso hartan parte hartu zuen hirugarren pertsona aske geratu zen apirilaren 18an.

“Poliziak Hodei aurkitu ez badu, nahikoa egin ez duen sentsazioa dugu. Hari eroale bat dago, Hodeiri eraso egin zioten hauek. Kasuak erraza ematen zuen, baina ez dira erantzukizunak ezartzeko gai izan”, adierazi du.

Hodei Egiluz gaztea aurkitzeko irekitako ikerketan neurri gehiago jartzea, batik bat gizakienak, eskatu du taldeak.

“Ezin dugu onartu pertsona gazte bat, hemendik beka batekin atera dena, Europako herrialde batean desagertzea eta Europa hura aurkitzeko gai ez izatea. Gertaera honek ziurtasun-gabezia handia eragiten die Erasmuseko eta beste beka batzuetako ikasleei, baita jende askori ere”, azaldu du.

Hodeiren Bila taldeak Hodei desagertu zen egunean ikusi ahal izan zuten lekuko gehiago aurkitzearen alde egin du.